«Fulxem» bosh murabbiyi Alvaro Arbeloa 19 yoshli yarim himoyachi Josh Kinngning Angliya terma jamoasiga birinchi marta chaqirilishi haqida fikr bildirdi. Milliy jamoa murabbiyi Tomas Tuxel yosh futbolchini Xorvatiya va Ispaniyaga qarshi o‘yinlar uchun ro‘yxatga kiritdi.
Kinng «Fulxem» akademiyasining tarbiyalanuvchisi hisoblanadi. U «Fulxem»ning Bobby Zamoradan keyin Angliya terma jamoasiga chaqirilgan birinchi maydon o‘yinchisi bo‘ldi.
«Bu uning, klubimiz va albatta, muxlislarimiz uchun alohida bir lahza. Josh klubimiz va muxlislarimizning g‘ururi. U bu yerga sakkiz yoshida kelgan va uning o‘yinini ko‘rib, biz haqiqiy g‘urur his qilamiz. Bu uning karerasida katta qadam. Men uning uchun juda xursandman, chunki u juda kamtarin yigit», - deydi Arbeloa Sky Sportsga bergan intervyusida.
«U har kuni yaxshilanishga intiladi, ko‘p mehnat qiladi va doimiy ravishda rivojlanishni xohlaydi. Menimcha, bu uning va bizning barchamiz uchun alohida kun. U yulduzga aylanish va jahon futbolida juda muhim o‘yinchi bo‘lish salohiyatiga ega. Men uning bilan ishlaganimdan xursandman, rivojlanishiga yordam berganman va hozirgi darajaga chiqishida qo‘l berganman. Lekin u kamtar bo‘lib qolishi juda muhim», - deb qo‘shimcha qildi murabbiy.
Angliyaning xorvatlarga qarshi yaqinlashayotgan o‘yini 12-noyabrda bo‘lib o‘tadi.