«Manchester Yunayted» «Tvente» himoyachisi Rud Neystadga qiziqmoqda. 18 yoshli futbolchiga shuningdek, «Barselona» va «Bavariya» ham qiziqish bildirmoqda.
«CaughtOffside» xabariga ko'ra, kataloniyalik klub yozgi transfer oynasining oxirida 8 million evro miqdoridagi dastlabki taklifni rad etganidan so'ng, taklifni qayta ko'rib chiqmoqchi. Endi «Barselona» himoyachi uchun taxminan 25 million evro taklif qilishi mumkin.
«Tvente» Neystadni saqlab qolishni rejalashtirmoqda va unga yaxshilangan shartnoma tayyorlamoqda. Futbolchining amaldagi shartnomasi 2029 yilgacha davom etadi. Niderlandiya klubi, futbolchining yanada rivojlanishi bilan uning transfer qiymati 40 million evrogacha yetishi mumkinligiga umid qilmoqda.
Avvalgi «Manchester Yunayted» bosh murabbiyi va hozirda «Tvente»ning texnik direktori Erik ten Xag, bir nechta taniqli klublar yosh himoyachi haqida Niderlandiya jamoasiga murojaat qilganini tasdiqladi.
Hozircha «Manchester Yunayted» Neystadni transfer qilish bo'yicha rasmiy taklif beradimi, bu ma'lum emas.