Markaziy himoyachi «Ayntraxt» Nnamdi Kollinz Angliya Premer-ligasida karerasini davom ettirishi mumkin. Bu haqda fussball_news xabar bermoqda.
Manbaning ma'lumotlariga ko'ra, 22 yoshli futbolchini «Manchester Yunayted», «Chelsi» va «Liverpul» jiddiy qiziqtirmoqda. Biroq, uchta katta klubdan hech biri hozircha rasmiy muzokaralarga kirishmagan.
O'z navbatida, «Ayntraxt» nemis futbolchisini yanvar oyida sotishni rejalashtirmagan, lekin 35 million evrodan yuqori takliflarni ko'rib chiqishi mumkin.
Joriy mavsumda Kollinz barcha turnirlarda beshta o'yinda qatnashdi, ammo natijaviy harakatlar bilan ajralib turmadi.