Biznesmen Alisher Usmonov «Everton»ga moliyaviy ishtirokini qayta tiklashga harakat qilishi mumkin. Bu haqda GOAL radiodasturchi Alan Brazildan iqtibos keltirib xabar bermoqda.
«Men buni tasdiqlay olmayman, lekin Usmonovning «Everton»ga qaytishga harakat qilayotganini eshitdim. U haqiqatan ham juda ko'p pulga ega», - dedi Brazil.
Ushbu ma'lumot klubning hozirgi egalari, The Friedkin Group, yangi investitsiyalar jalb qilish imkoniyatlarini, shu jumladan, nazorat ulushini sotishni ko'rib chiqayotganini e'lon qilgandan so'ng paydo bo'ldi. Amerika guruhi «Everton»ni 2024 yil dekabrida sotib olgan.
2017 yilda Usmonov bilan bog'liq USM Holdings kompaniyasi klubning trening bazasi nomi huquqlariga 11 million funt sterling miqdorida shartnoma imzolagan. Keyinchalik biznesmen «Everton»ning ayollar jamoasini homiylik qildi.
Usmonovning qaytishi Buyuk Britaniya tomonidan 2022 yil martida kiritilgan sanksiyalar tufayli murakkablashmoqda.