Sobiq himoyachi «Manchester Siti» Danni Mills klubning moliyaviy qoidalarni buzgani sababli mukofotlardan mahrum qilinishi mumkinligi haqida fikr bildirdi.
«O‘yinchilar va muxlislarning bu lahzalar haqida xotiralarini olib qo‘yib bo‘lmaydi. Odamlarni orqaga qaytib jazolash qiyin, ular mukofotlarni olishgan, avtobusda sayohat qilishgan, bonuslar va yangi shartnomalar olganlar – bularning barchasi o‘sha yutuqlarga bog‘liq», – deydi Mills Daily Mail'ga bergan intervyusida.
Futbolchi ta'kidlashicha, chempionlik medali hech narsani anglatmaydi va faqat xotira ramzi hisoblanadi, shuning uchun uni olib qo‘yish yoki hatto eritish mumkin, lekin bu g‘alaba faktini o‘zgartirmaydi.
Avvalroq, Angliya Premer-ligasi (APL) komissiyasi «Siti»ni moliyaviy qoidalarni barcha jihatlari bo‘yicha buzgan deb tan oldi. Hozircha ingliz klubining qanday jazoga tortilishi ma'lum emas.