Hujumchi «Monako»dan Folarin Balogun ingliz chempionatiga o'tishni inkor etmaydi. Yozda 25 yoshli futbolchi «Monako»dan «Everton»ga o'tishga yaqin bo'lgan.
Avvaliga transferning umumiy summasi taxminan 46 million evro bo'lishi kutilgan edi, ammo tibbiy ko'rikda yuzaga kelgan muammolar tufayli transfer amalga oshmay qoldi.
talkSPORT bilan suhbatda Balogun APLda o'ynash imkoniyatini hali ham ko'rib chiqayotganini tasdiqladi.
«Ha, bu mumkin», - dedi hujumchi Angliyaga qaytish imkoniyati haqida savolga javob berar ekan.
Balogun shuningdek, «Monako»ning Fransiya chempionatidagi boshlanishi haqida fikr bildirdi. Jamoa mavsumni mag'lubiyatsiz boshladi va Liga 1 jadvalida birinchi o'rinda turibdi, ammo hujumchi hozirgi holatga ortiqcha ahamiyat bermaslikka chaqirdi.