«Vilyarreal» himoyachisi Renatu Veyga Londonning «Chelsi» klubida faoliyatini davom ettirishi mumkin. Buni Topskills Sports UK xabar qilmoqda.
Manbaning ma'lumotlariga ko'ra, «ko'klar» 2024/25 yilgi mavsumda klubda o'ynagan 23 yoshli portugaliyalikni qaytarish imkoniyatini ko'rib chiqmoqda. 2025 yil yozida London jamoasi o'yinchini «Vilyarreal»ga 24,5 million evro evaziga sotgan.
Hozirgi mavsumda Veyga barcha musobaqalarda sakkiz marta maydonga tushib, bitta golli uzatmani amalga oshirdi.
Himoyachining «Vilyarreal» bilan amaldagi shartnomasi 2032 yilgacha davom etadi. Transfermarkt mutaxassislari portugaliyalikning narxini 30 million evro deb baholamoqda.