«Barselona» yarim himoyachisi Rodri Ernandes Angliyadan kelgan shov-shuvli xabarlarga javob berdi.
«Manchester Siti»ga jiddiy jazolar tahdid solinmoqda – klub moliyaviy qoidabuzarliklar bo‘yicha 115 banddan 114 tasida aybdor deb topildi.
«O‘yinchilar uchun vaziyat jurnalistlardan farq qiladi. Turli nuqtai nazarlarni tushunaman, lekin biz ijobiy kayfiyatni saqlashga harakat qilamiz. «Manchester Siti»ning muvaffaqiyatga erishish uchun qanchalik mehnat qilganini ko‘rganda, hech kim bu yutuqlarni bizdan olib qo‘ya olmaydi.
Bu og‘ir mehnat natijasi – buni pul bilan xarid qilib bo‘lmaydi. Biz o‘sha davrda yutgan barcha yutug‘imizni haqli ravishda qo‘lga kiritdik va biz ingliz futboli tarixidagi eng buyuk davrlardan biriga hissa qo‘shdik. Men klubning aybsizligiga ishonaman. Biz uchun bu masala 2020 yildan beri yopiq», – dedi Rodri matbuot anjumanida.
Ispaniyalik o‘yinchi 2019 yilning o‘rtalaridan o‘tgan oyigacha «Siti»da o‘ynadi.