CSKA «Sevilya»ga markaziy himoyachi Kike Salasni sotib olish taklifini berdi. Bu haqda El Gol Digital xabar bermoqda.
Manbaning ma'lumotlariga ko'ra, «armiyachilar» sevilyaliklarga 24 yoshli futbolchi uchun o'n million evro taklif qilishdi. Bundan tashqari, rossiyalik klub Salasga «Sevilya»dagi hozirgi maoshidan to'rt baravar ko'p to'lashga tayyor edi.
Ammo, himoyachi CSKAga o'tishdan bosh tortgan, chunki «Sevilya»ni tark etishni xohlamaydi, deb ta'kidlanmoqda.
2025/26 yilgi mavsumda Kike Salas barcha musobaqalarda 28 uchrashuvda qatnashib, uchta gol urdi. Futbolchining klub bilan shartnomasi 2029 yilgacha mo'ljallangan.
