Braziliya terma jamoasining himoyachisi Duglas Santos 2026 yilgi jahon chempionatining guruh bosqichida Gaiti terma jamoasiga qarshi o'yin oldidan fikr bildirdi.
«Ushbu jamoa jismoniy jihatdan yaxshi tayyorgarlik ko'rgan, ular yuqori intensivlikda harakat qilmoqdalar. Buni Shotlandiyaga qarshi o'yinda ko'rsatdilar. Bizga qiyin o'yin kutmoqda, hozirda g'alaba qozonish muhim. Ularni mag'lubiyatga uchratamiz, deb ayta olmaymiz. Hozirda bizga uch ochko kerak», - deya Santuosning so'zlarini keltirmoqda terma jamoaning matbuot xizmati.
Braziliya va Gaiti terma jamoalari o'rtasidagi ikkinchi tur o'yini ertaga, 20 iyun kuni bo'lib o'tadi. Muntazam musobaqadagi dastlabki o'yinda Karlo Anchelotti jamoasi Marokash bilan 1:1 hisobida durang o'ynadi.
