Portugaliya terma jamoasining bosh murabbiyi Roberto Martines DRC bilan bo'lib o'tgan o'yindan so'ng izoh berdi. Jahon chempionati guruh bosqichining birinchi turidagi uchrashuv 1:1 hisobida yakunlandi.
«Biz o'yinga juda yaxshi kirishdik. Kiritilgan gol bizning hujumdagi o'yinimizga biroz ta'sir qildi. Biz to'pni nazorat qilish haqida ko'proq o'ylay boshladik va raqibning jarima maydoniga yetib borishni etarlicha tez-tez amalga oshira olmadik. Bu DRC terma jamoasiga qayta tashkillanishga imkon berdi. Periyoddan oldin kiritilgan gol standart holatdan amalga oshirildi. Biz bu jamoaning standartlardan yaxshi foydalanishini bilardik. Bu jahon chempionati. Endi hammasini tahlil qilish va baholashimiz kerak, lekin men jamoaning ruhiyatidan mamnunman», - deydi murabbiy A Bola nashriga bergan intervyusida.
«DRCning goli biz uchun eng qiyin paytga to'g'ri keldi. Lekin biz yaxshi javob berdik, o'yinchilarning munosabati ajoyib edi. O'yin sifatidan mamnun emasdik, ammo men ruhiyat va futbolchilarning oxirgi soniyagacha qilgan harakatlaridan mamnunman. Bu jarayonning bir qismi. Oldinda yana 2 o'yin bor. Biz o'zimizni tanqidiy baholashimiz kerak va albatta buni amalga oshiramiz. Ushbu uchrashuv jahon chempionatida oson o'yinlar bo'lmasligini ko'rsatdi. Biz o'sishimiz va rivojlanishimiz kerak», - deya ta'kidladi mutaxassis.
23 iyunda Portugaliya O'zbekiston terma jamoasi bilan uchrashadi, 5 kundan so'ng esa Kolumbiya bilan o'ynaydi.
